သမ္မာတရားကို အဘယ်ကြောင့် ရှာဖွေရပါသနည်း
ယေရှုကို ကိုးစားသူ - ဒီစီ တော့
ဘာသာပြန် - KiM
ဗာနဗသည် အများအကြိုက် လိုက်သူမဟုတ်ပေ။ ခေတ်ရေစီးအတိုင်း အလျင်းသင့် မြောပါသော စိတ်ဓာတ်လည်း ရှိသူမဟုတ်ပေ။ သူ၏ လှော်တတ်ဖြင့် ကိုယ်ပိုင်ရွက်လှေကို လှော်ခတ်သူဖြစ်ပြီး ဘုရားသခင်၏ ချစ်ခြင်းမေတ္တာ ရေစီးကြောင်းထဲသို့ ရောက်ရှိအောင် လှော်ခတ်သူဖြစ်လေသည်။ သာသနာခရီးအတွက်ဆိုလျှင် တကိုယ်တည်း
ရုန်းကန်နေရလျှင်ပင် နောက်မဆုတ်တမ်း လှော်ခတ်သူ ဖြစ်သည်။ သူ၏ ဘဝရပ်တည်ချက်သည် အတိတ်ဖြစ်ရပ်များပေါ်တွင် အခြေခံထားခြင်းမရှိဘဲ နှလုံးသားမှ စီးကျလာသော သက်သေခံချက်များသည် ဘုရားသခင်၏ နှုတ်ကပတ်တော်နှင့် မည်မျှ ကိုက်ညီမှုရှိသည် ဆိုခြင်းအပေါ်တွင်သာ မူတည်လေသည်။ အခြားသူများ၏ အမြင်တွင် လမ်းပျောက်သူ၊ ရန်ဘက်အဖြစ် ရှုမြင်သည့်အခါတွင်လည်း ဗာနဗသည် အားပေးတိုက်တွန်းမှု လိုအပ်နေသော ခရစ်တော်၌ ညီအစ်ကို၊ မောင်နှမအနေဖြင့်သာ ရှုမြင်သည်။ ဗာနဗသည် အပယ်ခံများဘက်တွင် ရပ်တည်၍ခြင်းအားဖြင့် သူတို့၏ ကိုယ်ပိုင်ဘဝတွင် ပိုမို အံ့ဩကြီးမားဖွယ်သော အရာများကို သိမြင်နိုင်ရန်လည်း အားပေးထောက်မတတ်လေသည်။
မိမိကိုယ်ကို အရည်အသွေးမြှင့်တင်ခြင်းဖြင့် အောင်မြင်မှုကို ဆွတ်ခူးနေသော ကမ္ဘာကြီးတွင် ဗာနဗကဲ့သို့ ပုဂ္ဂိုလ်များမှာ များမည်မထင်။ ကျွန်ုပ်တို့ထဲမှ မည်သူသည် မိမိကိုယ်တိုင်ထက် ပိုမိုကြီးမားသော အရေးအရာများကို ဆောင်ရွက်ရန် အနီးဝန်းကျင်ရှိ အခြားသူများကို ကူညီမစရန်နှင့် ခရစ်တော်၏ ဒေသနာများအား လိုက်နာကျင့်သုံးသောကြောင့် လူကြိုက်နည်းသူနှင့် မိတ်ဆွေဖွဲ့ရန် ဆန္ဒရှိပါမည်နည်း။
သင်တို့သည် သမ္မာတရားကိုနာခံခြင်းအားဖြင့် သင်တို့၏စိတ်ဝိညာဉ်များကို သန့်ရှင်းစင်ကြယ်စေပြီး ဟန်ဆောင်မှုကင်းသည့် ညီအစ်ကိုချင်းချစ်သောမေတ္တာကိုရရှိကြသည်ဖြစ်၍ ဖြူစင်သောစိတ်နှလုံးဖြင့် အချင်းချင်းခိုင်မြဲစွာချစ်ကြလော့။
(၁ ပေတရု ၁း၂၂)
အပိုင်း (၇) ဆက်ရန်
